रुसले थुप्रै देशको सहयोगले केही हप्ता अघि भएको त्यो सम्झौतालाई निलम्बन गरेको घोषणा गरेको छ जसअन्तर्गत युक्रेनले कुनै अवरोध बिना ब्ल्याक सीको आफ्नो बन्दरगाहबाट अन्य देशमा अन्न निर्यात गर्न सक्थ्यो । रुसको पछिल्लो घोषणा क्राइमियाको बन्दरगाह सहर सेभास्टोपोलमा रहेको ब्ल्याक सीमा आफ्नो फ्लीटमा कथित ड्रोन आक्रमणपछि आएको हो ।
ती जहाजहरू अन्न निर्यात सम्झौतासँग सम्बन्धित रहेको दाबी गरेको छ । उनले पछिल्लो आक्रमणबाट उनको एउटा जहाजमा केही क्षति पुगेको पनि बताएका छन् । यस हमलाको लागि युक्रेनलाई दोष दिँदै रुसले शनिबार बिहान ४ः२० मा नौ हवाई र सात समुद्री ड्रोनबाट यी हमला गरिएको दाबी गरेको छ ।
‘रसियाले ‘ब्ल्याक सी इनिसिएटिभ’ मा भाग लिने सिभिल कार्गो जहाजहरूको सुरक्षाको ग्यारेन्टी दिन सक्दैन र यसको कार्यान्वयन आजदेखि अनिश्चितकालका लागि स्थगित गर्दछ,’ मस्कोमा परराष्ट्र मन्त्रालयले जारी गरेको विज्ञप्तिमा भनिएको छ । युक्रेनले रुसको निर्णयलाई ‘अनुमानित’ बतायो । तर, युक्रेनले आक्रमणको आरोप अस्वीकार गरेको छ । यसको साटो युक्रेनी राष्ट्रपति भोलोडिमिर जेलेन्स्कीले रुसको कदमलाई ‘अनुमान अनुसार’ बताएका छन् ।
युक्रेन बाहेक रुसले यस हमलामा बेलायती सैनिकको समेत संलग्नता रहेको आरोप लगाएको छ । तर, उनले यो आरोपको कुनै प्रमाण भने दिएका छैनन् । रुसले पनि गत महिना बेलायतले ग्याँस पाइपलाइन विस्फोट गरेको आरोप लगाएको थियो । तर बेलायतको रक्षा मन्त्रालयले त्यसो गरेर रुसले ‘झूटा आरोपको स्तरलाई अगाडि बढाएक’ भनेको छ । #एजेन्सि
