यूवा संघ नेपालका केन्द्रिय सचिव तथा एमाले नेता तुल बहादुर अधिकारीले आफ्नी स्वर्गिय धर्मपत्नीको सम्झनामा प्रेस चौतारी नेपाल पाल्पा अन्तर्गत पत्रकारीता अक्षयकोष स्थापना गर्नुभएको छ ।
अधिकारीले जिवनसङ्गिनी स्व .प्रतिक्षा अर्याल अधिकारीको जन्मदिन तथा बैबाहिक बर्षगाँठको अवसरमा प्रतिक्षा अर्याल अधिकारी पत्रकारीता पुरस्कार स्थापना गर्नुभएको हो । अधिकारीले आफ्नी श्रीमती प्रतिक्षा भौतिक रुपमा टाढा भएको पनि करिव १० महिना पुग्न लागेको भन्दै हामी माझ भौतिक रुपमा संगै नभएपनि सम्झना र पारिवारिक जीवनमा तथा समाजमा गरेको योगदानलाई सधैँसधैँ स्मरण गरिरहन र सामाजिक सेवाभावको सम्मानका लागि सम्झना स्वरुप अक्षयकोष स्थापना गरेको बताउनुभएको छ ।
अधिकारीले ५५ हजार ५ सय ५५ रुपैंया बराबरको प्रतीक्षा अर्याल अधिकारी पत्रकारीता अक्षयकोष स्थापना गर्ने निर्णय गरेकार यसका लागि अावश्यक सरसल्लाह र सहजिकरण गरिदिनुहुन प्रेस चौतारी नेपाल पाल्पालाई अनुरोध समेत गर्नुभएको छ । स्वर्गिय प्रतीक्षा अर्याल अधिकारीको कोभिड १९ का कारण २०७८ जेठ १६ गते निधन भएको थियो ।
