ुजनपत्रकार संगठन डोटीको दोस्रो पूर्ण बैठक डोटी जिल्लाको सदरमुकाम सिलगढीमा सम्पन्न भएको छ। जनपत्रकार संगठन डोटीका अध्यक्ष जीवन थापाको अध्यक्षतामा बसेको बैठकको प्रमुख अतिथि नेकपा डोटीका सेक्रेटरी क ध्रुव ओली त्यसैगरी अतिथिहरु जनपत्रकार संगठन सुदूरपश्चिम प्रदेश समितिका अध्यक्ष प्रकाश थापा नेकपा डोटीका सचिवालय सदस्य दीर्घ कुवर अखिल (क्रान्तिकारी)का केन्द्रीय सदस्य तथा डोटी जिल्ला अध्यक्ष प्रकाश कठायत लगायत जनपत्रकार संगठन डोटीका सदस्यहरूको उपस्थिति रहेको थियो। सो बैठकमा बोल्दै डोटी जिल्ला सेक्रेटरी ध्रुवले पत्रकारिताले हरेक क्षेत्रसँग सम्बन्धित रहेकोले तथ्य सत्य समाचारले समस्याको समाधान सहित सुल्झाउने गर्दछ। त्यसैगरी यो बदलिदो समयमा समाज रूपान्तरण सँगै व्यक्ति र व्यवस्था पनि बदल्लिनु पर्ने भन्ने धारणा राखेका छन्। त्यसैगरी जनपत्रकार संगठन सु.पका अध्यक्ष प्रकाश थापाले स्वतन्त्रता स्वच्छता सहित नीतिनियमको मापदण्डमा रही आफ्नो उद्देश्य प्राप्तिको लागि गरिने कार्यले नै सकारात्मक सन्देश पुर्याउनछ भन्ने धारणा राखेका छन्।
